Աչքերի մարզանք. հատուկ կանանց համար

Կոպերն ու աչքերի շուրջ գտնվող մաշկն առաջինն են մատնում կնոջ տարիքը, քանի որ նրբության պատճառով առաջինն են ծերանում եւ բարակում: Համառ եւ աշխատասեր կանանց խորհուրդ է տրվում կոպերի եւ աչքերի հատուկ մարզանք: Ամրացած մկաններն ունակ են օգնել նաեւ մաշկին, թույլ չտալով ավելորդ թուլանալ:

Եվ այսպես, սկսում ենք աչքերի մարզանքը: Գլխի դիրքն ուղիղ է ու անշարժ:

Վարժություն 1. Փակեք, իսկ հետո դանդաղ, մինչեւ վերջ բացեք աչքերը, հայացքն ուղղելով դեպի հեռուն: Դարձյալ աչքերը դանդաղ փակեք, կոպերն ամուր սեղմեք: Կրկնեք 2-3 անգամ:

Վարժություն 2. Աչքերը հնարավորինս դեպի ձախ պտտեք այնպես, կարծես ցանկանում եք տեսնել մի բան, որ կատարվում է ձեր մեջքի հետեւում: Դանդաղ, կարծես լարելով աչքերն ուղղեք դեպի առաստաղ, հետո հնարավորինս աջ: Այսինքն աչքերը պտտեք ժամացույցի սլաքի ուղղությամբ: Հետո ներքեւ եւ նորից ելման դիրք: Մեկ վայրկյան դադարից հետո նույնը կրկնեք, այս անգամ հակառակ ուղղությամբ:

Վարժություն 3. Աչքերը փակեք, այնուհետեւ լայն բացեք: Նայեք դեպի հեռուն: Ցուցամատով խորը, ճնշող շարժումներ կատարեք աչքերի արտաքին անկյունների շրջանում: Մի աչքը դանդաղ փակեք: Կոպն ամուր փակելուն խանգարում է մատի ուժը, որը տեղակայված է աջ աչքի արտաքին անկյունում: Աջ աչքը փակելու պահին փակեք ձախ աչքը, հետո կրկին աջը եւ այլն: Կրկնեք 6-8 անգամ:

Վարժություն 4. Յուրաքանչյուր ձեռքի մատնեմատն ու ցուցամատը դրեք փակ կոպերին այնպես, որպեսզի ցուցամատը թեթեւակիորեն ճնշի աչքի արտաքին, իսկ մատնեմատը ներքին անկյունը: Փորձեք փակ աչքերը կկոցել, հաղթահարելով մատների ճնշումը: Վարժությունը կատարեք 3-4 անգամ:

Վարժություն 5. Մատները տեղադրեք այնպես, ինչպես նախորդ վարժության պարագայում: Աչքերը փակելով խոժոռվելու փորձ կատարեք, այսինքն հոնքերը հավաքեք ճակատի մեջտեղում այն դեպքում, երբ մատների ճնշումը դրան դիմադրում է: Այս վարժությունը 3 անգամ կրկնելը բավարար է:

Վարժություն 6. Երկու ձեռքի ցուցամատով եւ միջնամատով աչքերը բացեք: Մատները պետք է միմյանց զուգահեռ տեղակայված լինեն այնպես, որ միջնամատն ամուր պահի ներքեւի կոպի արտաքին անկյունը, իսկ ցուցամատը ներքեւի կոպի անկյունը: Փորձեք աչքով անել: Աչքերն այդ պահին շրջեք աջ: Հետո շրջեք դեպի ձախ եւ նորից աչքով արեք: Վարժությունը հարկավոր է կրկնել 6-8 անգամ:

Հարցեր, պատասխաններ, մեկնաբանություններ